امریکا میں میڈیکل سائنٹیفک ریسرچ سینٹر میں معمولی خرابی کے باعث 20 سال پرانی لیبارٹری ریسرچ تباہ ہوگئی۔
امریکی میڈیا کے مطابق ریاست نیویارک میں رینسلیئر انسٹی ٹیوٹ آف اپلائیڈ سائنسز کے درمیان ایک معاہدے کے تحت ایک نجی صفائی سروس فراہم کرنے والے ملازم نے لیبارٹری کے ریفریجریٹر سے الارم کے سگنل سنے، جس میں سائنسی تحقیق کے لیے نمونے موجود تھے۔
اطلاعات کے مطابق الارم سن کر نجی کمپنی کے ملازم نے فریج بند کر دی۔
رپورٹس کے مطابق ملازم کی غلطی سے مائنس 80 ڈگری سینٹی گریڈ درجہ حرارت پر ذخیرہ کیے گئے نمونوں کو نقصان پہنچا جس سے 10 لاکھ ڈالر کا نقصان ہوا۔
غیر ملکی میڈیا کے مطابق فریج کے دروازے پر بیپس بند کرنے کا طریقہ موجود تھا تاہم ملازم نے پڑھنے میں غلطی کرتے ہوئے سرکٹ بریکر بند کردیا۔
رپورٹس میں بتایا گیا ہے کہ کلینر نے سوچا کہ وہ سرکٹ بریکر کو آن کر رہا ہے جبکہ اس نے اسے بند کر دیا تھا۔
جب ماہرین کو پتہ چلا تو اس وقت ریفریجریٹر میں درجۂ حرارت مبینہ طور پر 50 ڈگری تک بڑھ گیا تھا اور صرف منفی 30 ڈگری سینٹی گریڈ رہ گیا تھا۔