اگر آپ چینی نہیں کھائیں گے تو یہ حیرت انگیز تبدیلیاں جسم میں آئیں گی

ہم اپنی روزانہ کی خوراک میں تقریباً 9 چائے کے چمچ چینی کھاتے ہیں اور اگر اس سے زیادہ کھاتے ہیں تو جسم پر منفی اثرات مرتب ہوتے ہیں لیکن اگر اس مقدار کو کم یا مکمل طور پر ختم کردیا جائے تو جسم میں بہت سی مثبت تبدیلیاں رونما ہوتی ہیں۔ موٹاپے کے جریدے میں شائع ہونے والی تحقیق بتاتی ہے کہ اگر اس مقدار کو مکمل طور پر ختم کر دیا جائے تو صرف نو دنوں میں آپ کے جسم میں حیرت انگیز تبدیلیاں آئیں گی۔
تحقیق میں 9 سے 18 سال کی عمر کے 43 موٹے بچوں کو چینی کی بجائے نشاستہ دیا گیا، جس میں کیلوریز کی مقدار چینی کے برابر تھی۔ صرف 9 دن کے بعد ان بچوں کا بلڈ پریشر 4.3 فیصد کم ہوا جبکہ کولیسٹرول کی مقدار بھی 12.5 فیصد کم ہو گئی۔ اسی طرح ان کا انسولین لیول خالی پیٹ پر 53 فیصد کم تھا۔ محقق ڈاکٹر رابرٹ لسٹنگ کا کہنا تھا کہ ان بچوں کی صحت میں خوشگوار تبدیلی دیکھنے میں آئی ہے اور اگر والدین اپنے بچوں کی خوراک سے شوگر نکال دیں تو ان کی صحت بہترین ہوسکتی ہے۔

انہوں نے کہا کہ شوگر ہمارے جسم کے لیے اتنی ہی خطرناک ہے جتنی تمباکو یا کوکین کیونکہ چینی میں پائی جانے والی کیلوریز سے بننے والی چکنائی دل، جگر اور گردوں کے امراض کا باعث بنتی ہے۔ ان کا کہنا ہے کہ شوگر کا نقصان اس سے ہونے والا نقصان نہیں ہے بلکہ اس میں موجود اثر اور اس سے پیدا ہونے والی چکنائی ہمارے جسم کو بہت زیادہ نقصان پہنچاتی ہے۔ جس سے جسم میں کئی بیماریاں پیدا ہونے کا خدشہ ہے۔